Dolomites y marketing
Mercui, 19.03.2025 da les 20:50-21.05
Les Dolomites é danter les destinaziuns turistiches plü conesciüdes dl’Europa, sce nia dal monn: i crëps slauris vën frecuentes da jënt de döt le monn, con le reconescimënt desco patrimone mondial dl UNESCO á les Dolomites ciafé ciamó na maiú visibilité. Emplü á l’evoluziun dai social media fat n gran tru tai ultims agn, fotografies sön instagram o facebook é promoziun por le teritore. Por i operadus turistics án na domanda emportanta: co fá marketing por les Dolomites, tan le fá y sön ci meter le pëis? Domandes co gnará tratades tal Trail spezial, con na conscidraziun ince dla storia: l’aprijamënt por les Dolomites desco travert de vacanzes é gnü da foradecá, la jënt dl post messâ lauré por se trá le vire, nia jí a crëps o a fá escursciuns. Spo é le turism gnü tres plü na fondamënta dl’economia te valades dla meseria. Le svilup dai ultims agn endere é na desfida por le turism instës. - a cura de Mateo Taibon.